Россий МВД системыште юридический службын негызлалтмыжлан 240 ий темме лӱмеш Марий Элыште полиций пашаеҥ-влак «Я знаю свои права» акцийым эртарат. Тудо 19 апрель марте шуйна.
Тыгай правовой урок-влак «Дети России – 2022», «Твой выбор» лӱдыкшыдымылыкым писын кораҥдыме (оперативно-профилактический) операций почеш эртаралтыт.
МВД-н историй тоштерыштыже правовой грамотность дене кылдалтше урок-влак лийыныт. Йошкар-Оласе строительный техникумын юридический факультетыштыже тунемше-влак Марий Элыште МВД-ын ышталтме историйже, Кугу Отечественный сар годым элгӧргӧ паша органыште тыршыше-влакын подвигышт нерген пален налыныт, тыгак экспозицийым онченыт. Нунылан тӱрлӧ правам пудыртымылан административно да уголовно мутым кучымо нерген умылтареныт. Толшо-влаклан экстремизм ваштареш кучедалме шотышто памяткым пуэдыме.