Йошкар-Оласе Воскресенский паркыште «Пожарный да утарыше – эрык жапын талешкышт» лӱман чапкӱм шогалтеныт. Тушто Марий Эл Республикым вуйлатыше Александр Евстифеев да кугыжаныш кучемын еҥже-влак, пожарный да утарыше ведомствын коллективше да ветеранже-влак да молат лийыныт.
Эн ойыртемалтше утарыше-влаклан Чап кагазым да таумутым кучыктеныт. Тыгак регион вуйлатыше пожарный-утарыше подразделений пашаеҥ-шамычлан у техникым пӧлеклен.