28 сентябрь гыч 30 сентябрь марте Марий Элыште Пошкырт кундемын делегацийже лийын.
Тиде жапыште уна-влак республикысе икмыняр туныктымо организацийыш миеныт. Советский районышто Ӱшнур школышто, Советский посёлкысо 3-шо номеран школышто да «Теремок» йочасадыште лийыныт. И.С.Палантай лӱмеш тӱвыра да сымыктыш колледжын Национальный сымыктыш гимназийышкыже миеныт.
Делегаций Марий образований институтышто лийын да ты институт ден Башкортостан Республикысе образований вияҥмаш институт коклаште ешартыш профессионал шинчымашым пуымо йодыш шотышто кылым ышташ ойпидышым подписатленыт. Тыгак Марий кугыжаныш университетыште Марий Элын образований да науко министерствын еҥже да республикысе мер организаций-влак дене «йыргешке ӱстел» лийын.
«Арнян вӱршерже» лаштыкым И.Александрова, Э.Иманаев, М.Богданова, Э.Терентьева ямдыленыт.
Моло уверым 1-ше октябрьыште лекше газетнан 40 № -ыште лудса.