5 декабрьыште Йошкар-Оласе самырык-влак полатыште Доброволецын кечыжлан пӧлеклалтше пайрем эртаралтын. Марий Элысе волонтёр-влакым республикым Вуйлатыше Ю.Зайцев саламлен.
«За вклад в развитие добровольчества (волонтёрства) в Республике Марий Эл» отличий знак дене ПГТУ-н самырык-влак политике да социальный проект-влак департаментшын I категориян специалистше А.Антаковам, «Группа компаний «Гранит-Безопасность» ООО-н генеральный директоржо Р.Золотухиным, «Эр вий» йоча да подростко организацийын председательже М.Малановам, Волжск оласе 4-ше №-ан школын директоржо М.Янковскаям палемденыт.
Российысе айдемын праваже шотышто уполномоченныйын «Спеши делать добро» медальжым «Нить добра» илалше-шамычлан полшышо Волжск оласе мер организацийын председательже Д.Толстовлан пуэныт.
Д.Речкинын фотожо.