17-24 апрельыште Российыште «Шошымсо порылык арня» акций лийын. Тудо кажне шошым эртаралтеш. Ты ийын Шӱргыял школысо «Рвезе тукым» ушемысе тунемше-влак шуко пашам ыштеныт.
«Ал парус» отрядын «Ару окна» мероприятийже годым класс окнанат волгалтеш. Тӱҥалтыш классласе икшыве-шамыч «Ару вӱд сер» ден «Яндар кудывече» акцийлашке ушненыт. 1-2-шо класслаште тунемше-влак поснак чолгалыкым ончыктеныт. Тренер Ю.Р.Александров дене пырля школ кудывечыште куштырам погеныт, Кораксола ял покшелне верланыше ер серым эрыктеныт. А вожатыйын кумылаҥдымыж дене тӱҥалтыш класслаште тунемше-влак Кораксола ялысе илалше еҥ-шамыч С.Н.Кириллова ден А.В.Кириллов деке миеныт, пашам ышташ полшеныт, поро уна лийыныт. Софья Николаевнан шке кид дене ыштыме арверже-влакым ончен куаненыт.
«Шошымсо порылык арня» эртен, но йоча-влак поро пашам ончыкыжымат шукташ тӱҥалыт.
Геннадий Скворцов.
Морко район, Шӱргыял школ.
