Рушарнян, 7 февральыште Йошкар-Оласе Ленин лӱмеш культура полатыште «Порсын корно» куштымаш открытый фестиваль эртен. Республикынан районлаже гыч куштышо ансамбль-влак шке мастарлыкыштым Индий, Кавказ, Азий да моло элласе калыкын куштымашла гоч мастарын ончыктеныт. Каласаш кӱлеш, куштышо-влак тӱрлӧ ийготан лийыныт гынат, мероприятийлан чот ямдылалтыныт. Фестивальым ончаш толшо калыкын кумылыштым тидыже эше чотрак кумылаҥден. Кажне танцевальный номерлан тудо рӱжге совым кырен. Концерт годым пандемий лӱдыкшӧ деч шекланыме правил-влакым кӱлеш семын шуктымо.
