Россий Федерацийын Обороно министрже «Поисковое движение России» движенийын участникше-влакым палемдаш кӱштен.
Ты движений Кугу Отечественный сарыште колышо да увер деч посна йомшо салтак-влакын лӱмыштым курымлан чапландарымаште кугу надырым пыштен. Медаль, отличий знак дене студент-влакын «Воскресение» поисковой отрядыштын участникше-шамычымат палемденыт.
«За отличие в поисковом движении» II степенян отличий знакым Ю.Ивановлан, А.Ладиналан, Н.Сергеевлан кучыктеныт. III степенян тыгаяк отличий знак дене Н.Егошина, А.Сергеева, Е.Шалагин, И.Кукушкин, И.Сурков, А.Фисенко, М.Охотникова, А.Якимова, А.Иванова, Н.Мизгирёв, Н.Титова, Т.Коршунова, М.Курбаш, Е.Софина да А.Бусыгина палемдалтыныт.
Ирина Александрова.