
Йошкар-Оласе 7-ше №-ан школын 5-ше классыште тунемше кадет-влак поро пашаш ушненыт.
Ӱдыр-рвезе-шамычлан оласе администрацийыште маскироватлалтме сетьым да нашлемник-влакым пидаш туныктеныт. Тунемше-влак ты пашам кумылын шуктеныт. Пашан лектышыже веле огыл, икшыве-влакын Шочмо элнам аралыше-шамычлан полшаш шонымыштак шерге манын палемдат оласе мэрийыште.
Йошкар-Олаште илыше кажне еҥ ты поро пашаш ушнен кертеш. Оласе администрацийын холлыштыжо кажне кушкыжмын да кугарнян 15 гыч 17 шагат марте сеткым пидыт.
Йошкар-Ола администрацийын архивше гыч налме фото.