Марий Эл Республикысе Молодёжный политике, спорт да туризм министерстве шке кумылын поро пашам (волонтёрство) ыштыше-шамычлан грантым пуаш палемден.
«Образование» нацпроектыш пурышо «Социальная активность» региональный проект дене 2019 ийыште грант-влакым пуэдаш тӱҥалме. Тунам конкурсыш 39 йодмаш пурен. 13 грантым ойырымо. Грантын кугытшо 425 тӱжем теҥгеш шуын. 2020 ийыште тидлан 1 миллион теҥгем пуаш палемдыме.
Грантым тыгай номинаций дене налаш лиеш:
- « Добровольчество в сфере гражданского патриотизма»;
- «Лучшие добровольческие практики»;
- «Добровольчество в сфере работы с гражданами, нуждающихся в особой заботе».
Йодмаш-влакым 18 март гыч 6 апрель марте тыгай адрес дене пуаш лиеш: Марий Эл Республик, Йошкар-Ола, Успенский урем, 38-ше пӧрт, 303 кабинет.
Чала йодышым 8(8362)34-18-11, 34-18-14, 8(8362)73-01-70 телефон дене але министерствын сайтыштыже (http://mari-el.gov.ru/minsport/ ) рашемден кертыда.