Шернур районын тунемшыже-влак «Благо твори» Российысе акцийыш ушненыт. Тудо 20 сентябрь гыч 1 октябрь марте шуйнен. Мустай школышто 5-ше классыште тунемше-влак школын ветеранже Л.С.Казанцева деке миен коштыныт, саламленыт, пӧрт воктенысе кумдыкшым эрыктеныт. Шернур посёлкысо 2-шо №-ан школын «Движение Первых» первичный отделенийжын чолга еҥже-влак пенсийыште улшо вате-марий Соловьёвмытым Илалше-влакын пайремышт дене саламленыт, кудывечым, садым, кумдыкым эрыктеныт. А Казанский школышто тунемше 13 йоча памаш вӱдым, кленчаш темен, шоҥгыеҥ-влакын пӧртышкышт намиен пуэныт.