Самырык-влакым кугыжаныш да муниципал службын пашаж дене палдараш манын, «ГосСтарт.Доброслужащий» проект почеш икоян иктаж-мом ыштыме кечым эртареныт.
Ты амал дене Марий Элысе самырык кугыжаныш служащий-влакын волонтёр отрядышт, #МЫВМЕСТЕ штабын пашашкыже ушненыт. Нуно гуманитарный полышым ойыркален, посна оптеныт. Салтак-влаклан кукшо душым ямдылаш, маскировочный сетьым пидаш полшеныт.
Палемдыман, «ГосСтарт.Доброслужащий» проект социальныйлан шотлалтеш. Тудо исполнительный кучемысе да верысе самоуправленийысе органлаште, кугыжаныш кучемысе самырык-влакын ушемыштышт поро кумылан толкын-влакым ышташ келыштаралтын. Тидланже самырык-влакын ушемыштын еҥже-шамычым ты сомыллан кумылаҥдыман.