11 майыште Правительстве пӧртыштӧ Марий Эл Республикым Вуйлатыше пеленысе Волонтёрствым вияҥдыме шотышто совет заседанийым эртарен.
Тушто поро кумылым ончыктымо пашам тӱрлӧ аланыште вияҥдыме, тыгак добровольческий движенийын ончыкылык корныж нерген йодыш-влакым тарватеныт.
Заседанийыште «Регион добрых дел» Российысе конкурс, тунемме тӧнежлаште добровольчествын верже, #МЫВМЕСТЕ тӱнямбал премий, Российысе «Красный Крест» организацийын регионысо пӧлкажын пашаж нерген доклад-влакым ыштеныт. Шернур ден Советский район-влак администрацийлам вуйлатыше-шамыч шке кундемыштышт волонтёр паша вияҥме нерген каласкаленыт.