Февраль тӱҥалтышыште Шернур районысо добровольчество рӱдерыште тӱшка тестирований эртаралтын. Тудо волонтёрство темылан пӧлеклалтын.
Тыгодым тестированийыш ушнышо участник-шамыч поро пашан икмыняр шӧрынжым палемденыт. Эн ончыч команде дене пашам ышташ тунеммым да неле йодыш-влакым рашемдаш йӧным мумым ончыктеныт. Тыгак цифровой волонтёрствын илышыш шыҥдаралтмыж нерген радамленыт. Онлайн-проект, виртуальный полыш-влак регионлаште поро пашан ик пеҥгыде ужашышкыже савырненыт. Экологический акций, социальный стартап, поро кумылым ончыктышо марафон-шамыч ӱдыр-рвезе-влакым тӱрлӧ сомыллан кумылаҥдат. Нуно тыгай сынан мероприятийлашке ушнат.