2023 ий мучаште Марий Элысе медпашаеҥ-влак Запорожье область гыч пӧртылыныт.
Бригадыште терапевт Д.Лебедев, кардиолог Д.Онучин, невролог З.Сафукова да фельдшер Ж.Даутова тыршеныт. Медпашаеҥ-влак тӱҥ шотышто Розовка посёлкышто лийыныт, районысо эмлымверыште еҥ-влакын тазалыкыштым тергеныт, Куйбышев посёлкысо пациент-влак декат вашкеныт. Марий Элысе медик-влак ик кечыште 20 наре еҥым онченыт.