Юл кундем федеральный округысо вич регионын вуйлатышыже, нунын коклаште Марий Элым Вуйлатыше Ю.Зайцев, Куйбышевский водохранилищын куакшеммыж шотышто Россий Президент деке лектыныт.
Журналист-влакын палемдымышт почеш, Юл эҥерын куакшеммыже биоресурсым шагалемда, эҥерысе флотлан да водозаборлан ты верыште пашам ышташ нелылыкым луктеш. Юлын ты ужашыжым Татарстаныште, Чувашийыште, Самара ден Ульяновск областьлаште, Марий Элыште кучылтыт.
Вуйлатыше-влак Юл эҥерын ӱлыл йогыныштыжо изи напоран сооруженийым чоҥаш полшаш йодыт.