8 гыч 17 декабрь марте Марий Эл Республикысе Пӱртӱс поянлык, экологий да йырым-йырысе средам аралыме министерствыште тений кеҥежымсе чодыра пожарым шке кумылын чараш полшышо-влаклан таумут кагазым да «Доброволец-2021» значокым кучыктеныт.
Тыгай значокым чылаже 1300 еҥлан пуаш палемдыме. «Ме кажне волонтёрым кычалынна, кажне дене кылым ыштенна. Значок – айдемын тул ваштареш кредалын моштымыжым ончыктышо пале. Вес гана тыгай туткар лийын кая гын (Юмо аралыже), ме нине волонтёр-влак деч полышым йодын кертына», – каласен Пӱртӱс поянлык министр Алексей Киселев.
2-шо лаштыклан увер-влакым (51 (1669) No • 2021 ий 17 декабрь) И.Александрова, Е.Иванова, Э.Терентьева, И.Ямбаршева ямдыленыт.