Кодшо изарнян РФ Правительствын заседанийыштыже Оренбургышто шошо вӱдшорлан кӧра туткарыш логалше-влаклан полыш шотышто каҥашеныт.
Правительствын резерв фондшо гыч бюджет оксам Минстройлан ойыраш палемдыме. Ондак премьер-министр М.Мишустин ешартыш 5 млрд теҥгем ойыра манын ыле. Тымарте Правительстве Оренбург кундемыш 0,5 млрд теҥгем колтен. Тушто специалист-влак 22 май марте 24600 утла пӧртым тергеныт. Тидыже 87 процент лиеш.