Йошкар-Олан прокуратуржо Йочан тазалыкшым аралыме шотышто законым шуктымым терген.
Рашемдыме: сакыр диабетан вич йочалан врач-влакын комиссийышт вӱрыштӧ глюкозым эре терген шогаш палемден. Но йоча-влаклан тест-полоскым жапыштыже пуэден огытыл. Сандене прокуратур медицине тӧнежын тӱҥ врачшым наказатлаш пунчалын. Тергымке, икшыве-шамычлан кӱлеш медицине сатум пуэдыме.