Запорожский областьысе Куйбышев районышто Марий кундем гыч делегаций-влак пашам ыштат.
Вет тиде районым Марий Эл шефыш налын. Кодшо кечылаште тушко медик-влак каеныт. Нуно верысе калыклан диспансеризацийым эртарат.
Эше тылзе ончыч тушко медицине пашаеҥ-влак каеныт ыле. Нуно пӧртылыныт, олмешышт весе-влак каеныт.
Ик тылзыште медик-шамыч 563 еҥым эскереныт, 19 ФАП-ыш миен коштыныт, тыгак Розовка ден Куйбышево посёлкышто илыше-влакын тазалыкыштым тергеныт.
Тыгак Вуйлатышына Ю.Зайцевын кӱштымыж почеш кодшо кечылаште Правительствын еҥже-влак миен коштыныт да тушто эртарыме сайлымашым эскереныт. Тушто Законодательный погынымашыш да Депутат-влак погынымашыш сайлымаш лийын.