Кодшо арнян Марий Элым Вуйлатышын кӱштымыж почеш Марий Эл Правительстве Председательын икымше алмаштышыже Е.Кузьмин Запорожский областьысе Куйбышевский районыш миен коштын.
Тусо муниципальный округым вуйлатыше дене совещанийым эртарен. Тушто палемдыме почеш, Марий Эл шефствыш налмыж деч вара ырыктыме системылан у котёл-шамычым налын пуэн; йоча-влак Марий Элыште каненыт; калыклан диспансеризацийым эртараш полшымо. Марий Эл тыгак ФАП-влаклан эмым, книгагудылан книгам, коммунальный техникым колтен.
«Ме ты пашам ончыкыжымат шуктена, инфраструктурым саемдена, йоча-влакым кеҥеж канышлан кондена да медомсортлан врач-влакым Куйбышев районышко намиена», – каласен Е.Кузьмин.