Марий Элым Вуйлатыше Ю.Зайцев РФ Вооружённый Вийыш контракт почеш служитлаш военнослужащий-шамычым погымо шотышто совещанийым эртарен.
Республикыште 40 утла тӱрлӧ соцполыш ойыралтеш, тудо эре кугемеш. Ю.Зайцевын кӱштымыж почеш контрактым шке кумылын подписатлыше еҥлан ик гана тӱлымӧ окса кугыт шукерте огыл 250 тӱжем теҥге марте кушкын.
Тений 1 июнь гыч РФ Президент В.Путинын кӱштымыж почеш ыштыме «Защитники Отечества» кугыжаныш фондын республикысе филиалже уло. Фонд СВО ветеран-шамычлан, тушто колышо-влакын ешыштлан полша. Тушко 2000 наре еҥ фондын отделенийышкыже полышым йодын толын.