Тений 22 апрель гыч Марий Элыште кинокомиссий пашам ышта.
Тушко республикысе кугыжаныш кучемын, верысе самоуправленийын да усталык организаций-влакын еҥышт пурат. Кинокомиссийым Марий Элысе Правительстве Председательын алмаштышыже – тӱвыра, печать да калык-влакын пашашт шотышто министр К.Иванов вуйлата.
Ты комиссийын тӱҥ пашаже – Марий Элыште фильм-влакым ямдылаш полшаш да нуным калыкыште шаркалаш йӧным ышташ. Кинокомиссий тыгак кинопроект-влаклан съёмкылан верым, оборудованийым, верысе актёр ден кинопроизводствысо специалист-шамычым кычалаш, съёмочный группылан илыме вер да кочкыш шотышто полшаш тӱҥалеш.
freepik сайт гыч налме фото.