Марий Элым Вуйлатыше Ю.Зайцев «ТНС энерго» ГК ПАО вуйлатыше Е.Стельнова дене вашлийын. Нуно калыклан услугым пуымо йодышым тарватеныт, республикысе подразделенийын пашаже, пашаеҥ-влак резервым вияҥдыме нерген ойленыт.
Е.Стельнован палемдымыж почеш, республикыш толмын тӱҥ амалже – компанийын пашаштыже мом уэмдаш але ешараш кӱлмым пален налаш да кадр-влак шотышто политике, тыгак самырык специалист-влакым ямдылыме нерген йодышым рашемдаш. «Исполнительный кучем орган-влак деке иктаж-могай йодыш лектеш гын, ме нуным рашемдаш эре ямде улына», – ойлен Ю.Зайцев.