
Юл кундем федеральный округышто полпредын алмаштышыжлан «Время героев» программын участникше Александр Тихоновым шогалтыме.
Патырлык орденын кавалерже А.Тихонов – ӱмаште «Время героев» программыш ушнышо 83 еҥ кокла гыч иктыже. Тушко участник-шамычым чот ойыркаленыт, а варажым шукылан туныктеныт, тӱрлӧ сомыллан сайын ямдыленыт, регионысо ойыртемла дене палымым ыштеныт, федеральный кӱкшытысӧ проектный пашаштым тергеныт.
Александр Тихоновын наставникше Юл кундем федеральный округышто Президентын полномочный представительже Игорь Комаров лийын. Стажировко годым тудо патриотический воспитаний да СВО участник-влакын адаптацийышт шотышто йодышла дене пашам ыштен.
А.Тихонов Чувашийысе Яльчик районысо Сабанчино селаште 1981 ийыште шочын. Озаҥысе кӱшыл артиллерийский командный училищым да Михайловкысо военный артиллерийский академийым (Санкт-Петербург) тунем пытарен.
Республикысе прес-службын сайтше гыч налме фото.