Полина Петухова, спортсменке:
– Тений шуко вере миен кошташ логалын. 2018 ий 31 декабрь йӱдым Китайыште «Kun Hight» кугу организацийыште кикбоксинг дене профессиональный бойышто икымше лийынам. Тыгак 2019 ийыште Российын чемпионатыштыже сеҥенам, тӱнян Гран-прижым да тӱнямбал чемпионатыште той медальым налынам. 2020 ий таҥасымашлан эшеат поянрак лиеш. Сеҥымашыш шуаш кыртмен пашам ыштыман. Тыгак дипломым пашам аралыман. Кызыт мый Чебоксар олаште Ульянов лӱмеш кугыжаныш университетыште тунемам.
У ийыште чылалан цельыш шуаш да виян, пеҥгыде койыш-шоктышан да пиалан лияш тыланем.