«Полицейский Йÿштö Кугыза» акций

Марий Элыште «Полицейский Йÿштö Кугыза» акций мучашлалтын.

Тудо 2022 ий 20 декабрь гыч 2023 ий 10 январь марте эртаралтын.

МВД-н пашаеҥже-влак неле илыш ситуацийыш логалше, да подшефный учрежденийласе ÿдыр-рвезе-шамыч дене вашлийыныт. Йÿштö Кугыза У ий да Рошто пайрем дене саламлен, пöлекым кучыктен да закон пудыртымылан мо лиеш, манын ушештарен.

Полицейский Йÿштö Коча «Журавушка»  ийготыш шудымо йоча-влаклан социально-реабилитационный рÿдерыш, Параньга район Косолапово интернет-школыш, «Солнышко» интернат-пöртыш да моло вере миен.

Тылеч посна МВД-ште пашам ыштыше-влакын икшывыштымат саламленыт.

Эше Йÿштö Кугыза да Лумÿдыр дене пырля Госавтоинспекцийын еҥышт рейдыш лектын коштыныт, профилактический мутланымашым эртареныт.

Мутлан, Марий Турек пöлкан участковыйже Альмир Газизов 27 ешыш миен коштын, закон шотышто рашлыкым пуртен, тÿшка верыште шкем кузе кучымо шотышто каласкален.

МВД-н сайтше гыч налме фото.