Пачерын кадастровый акшым кузе пален налман?
Т.Тимофеева.
Морко район.
Росреестрын Марий Эл Республикысе управленийжын геодезий да картографий, земле-устройство да мланде-влакын мониторингше, погым кадастр могырым аклыме пӧлкам вуйлатыше Светлана Мамаева вашешта:
– Кусараш лийдыме пого объект-влакын кадастровый акыштым Росреестрын официальный сайтыштыже (www.rosreestr.gov.ru) улшо тыгай электронный сервислаште муаш лиеш:
«Справочная информация по объектам недвижимости в режиме online»;
«Получение сведений из Фонда данных государственной кадастровой оценки»;
«Публичная кадастровая карта».
Ты разделлаште вераҥдыме информаций справке сынан гына улыт, тудым юридически кӱлешан документ семын кучылташ ок лий.
Тыгак ЕГРН-ыште улшо кадастровый ак нерген сведенийым правообладатель Росреестрын сайтыштыже «Личный кабинетыште» ончалын кертеш.
Кагаз документ – кусараш лийдыме пого объектын кадастровый акше нерген выписке – кӱлеш гын, тудым Шуко функциян рӱдерын кеч-могай офисыштыже налаш лиеш. Выпискылан оксам тӱлыман огыл.