9 мартыште РСФСР-ын сулло, Марий АССР-ын калык артистше, МАССР Кугыжаныш премийын лауреатше, Марий Эл Республикын калык писательже, драматург, поэт, кусарыше Василий Михайлович Гороховын шӱмжӧ кырымым чарнен. Тудо 84 ийым эрталтен ыле.
Василий Михайлович Горохов 1937 ий 27 августышто Кужэҥер район Кӱшыл Регеж ялеш шочын. 1960-1965 ийлаште Москваште А.В.Луначарский лӱмеш ГИТИС-ын актёр пӧлкаштыже тунемын. Вара уло илышыжым М.Шкетан лӱмеш Марий драмтеатрлан пӧлеклен.
Тудо «Кугарня» газетынат поро йолташыже лийын, кажне кугарнян газетнам налаш толын кая ыле, поро ой-каҥашым пуэн, ятыр оҥай материалже газетыштына савыкталтын.
Василий Михайлович, кийыме мландыда пушкыдо лийже!
«Кугарня» газет» ГУКП-н коллективше.