14 январьыште ПАРАНЬГА район Яҥгетсолаште поэт М.И.Якимовын шочмо кечыже лӱмеш обелиск воктене поэтым шарналтеныт да пеледышым пыштеныт.
Тушко «Ший шымаш» ветеран клуб ушнен, поэтын тукым шӱжарже Р.Л.Окунева ден тукым уныкаже-влак,
Яҥгетсола тӱҥалтыш школ ден йочасад гыч туныктышовлак погыненыт. Обелиск воктене йоча-влак поэтын почеламутшым каласкаленыт, «Ший шымаш» ансамбль поэтын шомакшылан возымо «Вишня» мурым муралтен.
И.Александрова, Э.Терентьева, М.Чермакова.