19 майыште Волжский район Олыкъялыште Российын Геройжо Валерий Ивановым шарныме лӱмеш мероприятий эртаралтын.
Тушто Российын Геройжо В.Иванов ден Совет Ушем Герой З.Прохоровын бюстышт ончыко пеледышым пыштеныт. А Волжский ден Звенигово районласе индеш школын юнармеецше-влак участвоватленыт. 18 еҥан команде шке командирже дене пырля строй дене рыҥ тошкалын эртен, мурым мурен. Тиде смотрышто индеш команде кокла гыч Волжск оласе 9-ше №-ан школ ойыртемалтын.
Ты кечын рядовой В.Ивановын подвигым ыштымыжлан 27 ий темын. Олыкъялышке Геройын аваже Нина Николаевнат толде кертын огыл. Тудо кажне ийын эргыжым шарныме лӱмеш мероприятийышке вашка, эргыжым шарнымылан таушта.
Снимкыште: Карай школын командыже. Командир — Денис Янцитов.