4 октябрьыште Кужэҥер район Руш Шойышто почто отделенийым ачалыме деч вара пайремлын почмо.
Тиде икымше ачалыме почто. Тушто кугу пластик окнам шындыме, у офис мебельым налме, почтальон-влаклан посна пӧлемым келыштарыме. «Доступная среда» программе почеш пандусым ыштыме. Ик арт-объект уло: пырдыжыште «Мый йӧратем Руш Шойым» стелым сӱретлыме. Кызыт Йӱледӱрыштӧ да Тумньымучаште почтым ачалат.
Марий Турек районышто Хлебниково ден Марий Пыламарий селаласе почто-влакымат уэмдыме. Тыштат РФ Президент В.Путинын ялласе почто-влакым олмыктымо шотышто кӱштымашыжым шуктымо.