30 сентябрьыште Россий Банкын Волго-Вятский управленийжын Марий Эл Республикысе Национальный банкше Почмо омса кечым эртара.
Ты кечын кугыеҥ ден йоча-влаклан экскурсий, мини-лекций ден мастер-класс-влак лийыт. Уна-шамыч финанс технологий шотышто шке шинчымашыштым кибербаттлыште терген кертыт.
Экскурсийыште Российыште да республикыште банк пашан историйже дене палыме лийыт, шуэн вашлиялтше ыршийым, банкнотым да шергакан кагазым, ик курым ожнысо платёжный документым ужыт. Тыгак тыште «Музыка танца» ончер лиеш. А йоча-шамычлан тӱрлӧ ырший, символ да шоя кагазым кузе пален налме нерген каласкалат, «Куда исчезли деньги» шымлымаш-модмашым эртарат. Почмо омса кечыш толаш ончылгоч возалтман.