28 июньышто Т.Евсеев лӱмеш Национальный тоштерыште «Грибная пора» ончерым почмо.
Тушто республикыште вашлиялтше упшан поҥго-влак дене палдарат. Тыгак биологий науко кандидат, учёный-миколог Б.П.Васильковын научный пашаже уло.
2008 ий марте поҥгын 97861 тӱрлӧ видше палыме. Тышеч 7 тӱжем видше – упшан поҥго. Б.Васильковын «Грибы» альбомыштыжо 61 вид нерген ойлалтеш. Тыгак ончерыште Моско областьысе Ногинск ола гыч поҥго муляж-влакым ыштылше А.Ф.Манаевын пашажым ончыктымо. «Кугу Какшан» заповедникысе научный пашаеҥ Г.А.Богдановын ыштыме да фотоконкурсысо картычке-влакат улыт.