13 августышто Марий самырык театр Д.Харрисын йомакше-влак негызеш «Сказки дедушки Римуса» спектакльым ончыктен. 3 сентябрьыште зритель-влакым Владимир Красовскийын возымо пьесыж почеш да тудынак шындыме «Пётр и Феврония» пашам ончаш ӱжыт. Тыгак кызыт художественный вуйлатыше, режиссёр О.Г.Иркабаев Зинаида Долгован «Лаюкай агур» пьесыж почеш постановкым ямдыла. Тудо 9 октябрьыште ончыкталтшаш.
Йошкар-Олаште Курчак театр ваштареш Пётр ден Феврониялан скульптур композицийым эше 2010 ийыштак почмо. Тугеже тиде спектакльымат мыланна ужман. Кӱчык жапыште репетицийым ончымем постановко оҥай да ойыртемалтше манме шонымашым лукто.
Умбакыже – шушаш номерыште.
Снимкылаште: «Пётр и Феврония» ямдылалтеш.
Эльвира Терентьеван фотожо-влак.