Марий Элыш Санкт-Петербург ден Ленинград область гыч делегаций толын коштын.
Уна-шамыч икмыняр вере лийыныт. «Семёновский» племзаводышто кумыс ден вӱльӧ шӧрым тамлен онченыт. А Шернур сыр заводышто тыршыше-влак нуным «Буррата» сырым шолташ туныктеныт.
Тыгак уна-влак Марий Элысе спорт да туризм министерствыште туризм сферыште тыршыше-влак дене вашлийын мутланеныт. Тушто Гатчинский районысо Туристско-информационный рӱдерым вуйлатыше Ирина Лидзарь дене кок регионышто туризм сферыште вашкылым утыр ыштыме нерген каҥашеныт.
Делегацийысе еҥ-влак тыгак ялозанлыкыште да перерабатыватлыме промышленностьышто экспорт шотышто паша нергенат мутланеныт.