Марий Эл Республикым вуйлатыше Александр Евстифеев коронавирус инфекцийым вашке тергыме экспресс-тестым налаш 10 миллион теҥгем ойырен. Тидлан посна пунчалыш кидпалыжым пыштен.
Ойырымо оксам COVID-19 вирус ваштареш профилактикым эртарыме, вирусын осал пашажым кораҥдыме сомыллан колтат. Ты окса ковидым писын палдарыше ИХА-тестым (иммунохроматографический анализ) налаш кая.
Диагностикым шке жапыштыже ыштен, черланыше-влакым вашкен муын, COVID-19 вирусын шарлымыжым чактараш лиеш, палемден республикым вуйлатыше.