18-21 майыште Киров олаште ЛИН (начар уш-акылан еҥ-влак коклаште) иймаш дене Российын кубокшо верч таҥасымаш эртен. Элнан 22 регионжо гыч спортсмен-шамыч ушненыт. Марий Элын чапшым вич еҥан команде арален. Тушто Д.Белоусов, Е.Волков, Е.Мухачев, К.Румянцев, Н.Семенова лийыныт. Вуйлатышышт – Василий Николаевич Полянин.
Марий Элын спортсменже-шамыч ты таҥасымаш гыч ятыр сеҥымаш дене пӧртылыныт: ныл шӧртньӧ, кок ший да кум той медаль-влакым налыныт.