Россий Президент Владимир Путинын 2020 ий 15 январьысе посланийыштыже каласымыж почеш, 1-4 класслаште тунемше-влаклан шокшо кочкышым оксам тӱлыде пукшышаш улыт. Республикыште 245 тунемме вер уло.
Марий Элыште тиде кӱштымашым шукташ ямдылалтыт. Школлаште пищеблок-влакым тергат, ешартыш технический оборудованийым да арвер-влакым наледат. Тунемме верласе пищеблок-влакым шотыш кондаш республикысе бюджет гыч 27 млн теҥге оксам ойырымо.