Ӱшанле улмыжлан кӧра пий еҥын эн сай йолташышкыже савырнен. Лудшына-влак тидын шотышто мом каласат?
Диана Богданова, Оршанке район Кугунур села:
– Арчим, немыч овчаркым, 2019 ийыште мӧҥгӧ кондымо. Пинегым ачамын паша гыч йолташыже ончыктен. Тудо озажым икымше вашлиймаштак ойырен налын, ачамын кидышкыже шке толын. Кушкын шумекыжат, тудо озаж деч ок ойырло, тудын чыла командыжым умыла. «Верышкет», «щинчаш», «кияш» командылам пала. Но тыгак марий йылме дене йоҥгышо команде-влакымат сайын шукта: «тол тышке», «шып лий», «кай верышкет». Арчи чот йӧрата, кунам тудым шерыт.