2021 ий июньышто Оршанке посёлкышто илыше ик еҥын пийже 11 ияш йочам пурлын.
Пий шуко пачеран пӧрт кудывечыште поводок да намордник деч посна лийын. Йоча районысо эмлымверыште амбулаторно эмлалтын.
Оршанке районысо прокуратур Медведево районысо судыш пий оза деч компенсацийым тӱлымӧ шотышто исковый йодмашым колтен. Пий оза иск дене келшен, титакшым умылен да мировой соглашенийым ышташ йодын, тыгодым 20 тӱжем теҥге компенсацийым тӱлаш келшен.
Судебный акт законло вийым налын шуктен огыл.