Марий Элыште илыше ик пӧръеҥ 1 871 000 теҥгем кугыжаныш лотерейыште сеҥен налын. Пиалан айдеме 16 августышто «Столото» мобил приложенийыште «Рапидо 2.0» лотерей дене модын. Тушто тудым окса пӧлек вучен.
«Рапидо 2.0» лотерейын тиражшым, технический перерывым шотыш налаш огыл гын, кажне 15 минут эртарат. Сеҥыше лияшлан чыла числам пален налаш кӱлеш. Лекше йодыш дене stoloto.ru сайтыште але 8 900 555-00-55 телефон номер дене пален налаш лиеш.