«Пиалан» билет

Марий Элысе школлаште тунемше-влаклан «Билет в будущее» всероссийский проект ончыкылык профессийым ойырен налаш полша. Тиде проект «Образований» нацпроектын «Успех каждого ребенка» федеральный проектше дене илышыш шыҥдаралтеш.

Йошкар-Оласе 7-ше номеран школын тунемшыже-влак проектыш ушненыт. Ӱдыр-рвезе-влак «Спасатель», «Дизайнер одежды», «Флорист», «Системный администратор», «Специалист информационной безопасности» направленийла дене мастарлыкыштым тергеныт.

Йошкар-Оласе администрацй сайт гыч налме фото.