Марий Эл Правительстве Председательын алмаштышыже – тӱвыра, печать да калык-влакын пашашт шотышто министр Константин Иванов Республикысе марий тӱвыра рӱдерын пашаеҥже-влак дене вашлиймашым эртарен. Тунамак Константин Анатольевич тӧнежын вуйлатышыжын пашажым жаплан шуктышо Ирина Геннадьевна Якаева дене палымым ыштен. Тудо ты тӧнежын директоржым ойырымо конкурсым эртарыме марте вуйлаташ тӱҥалеш. Але марте Ирина Якаева Т.Евсеев лӱмеш национальный тоштерыште маркетинг да ужалыме пӧлкам вуйлатен. Тудым тыгак радиовӱдышӧ да мурызо семын палена.
Ушештарена: 2014 ий январь гыч Марий тӱвыра рӱдерым Василий Петров вуйлатен.
Марий Эл Республикысе тӱвыра, печать да калык-влакын пашашт шотышто министерствын тг-каналже гыч налме.