Юл кундем федеральный округын Интеллектуал Олимпиадыжын финалже Пермьыште лийын. Тушко Марий Эл гыч мийыше команде 14 кундем гыч 5-ше верым налын.
Теве Йошкар-Оласе 28-ше номеран лицейыште 8-ше классыште тунемше-влак Матвей ден Тимофей Бутенинмыт «Робототехника» направлений дене кокымшо верым суленыт. Козьмодемьянскысе 3-шо номеран школышто 11-ше классыште тунемше-шамыч Александр Шиндин ден Артём Якушев «Программирование беспилотных аппаратов» направлений дене кумшо вер дене палемдалтыныт.