Лудшына-влаклан шошын могай пеледышыже-шамыч келшат? Нуно чодыраште але палисадникыште пеледыт? Шошымсо аршаш пӧртыштым кажне ийын сылнештара?
Наташа Якимова, Медведево посёлко:
– Мый тюльпаным моткоч йӧратем. Тудын тӱрлӧ яргата тӱсан да форман улмыжо чоным савыра, куандара. Мутат уке, кызыт палисадникыште тӱрлӧ сорт пеледышым куштат. Кажныже мотор, ойыртемалтше, шинчам йымыктарыше. Но чодыра пеледыш, шошымсо поснак, чоным утларак савыра. Тудын дене шошо толмылан, кече шыргыжмылан, илышлан эшеат чот йывыртет. Мый мартыштак тӱрлӧ пеледышым иктаж-вере ужам гын, телефонышкем сниматлем. Тидыже йӱлаш пурен, манаш лиеш. Тыге шкем куандарем.