Йошкар-Олаште С.Чавайн лӱмеш бульварыште оҥай пеледыш пакчам шынденыт. Тудо марий поэтлан памятник воктенак верланен.
Пеледыш пакча покшеч шаргӱ да брусчатке гыч пыштыме йолгорно кадырген кия, икмыняр вере кугу воштончышым да пу аркым шогалтеныт. Кастене арке тул дене волгалтеш.
Бульварым сӧрастарыше «Город» муниципал унитарный предприятий шке паша лектышыж нерген тыге умылтара: пеледыш пакчам йолын ошкыл эрташ, кушкыл-влакын тамле пушыштым раш шижаш лиеш, а воштончыш гоч верым вес шӧрын гыч ончаш оҥайрак.
