Россий МВД-н Йошкар-Оласе управленийышкыже рӱдолаште илыше 25 ияш ӱдырамаш йодмашым возен. Палдарымыж почеш, тудо «Ева Иванова» лӱм дене возымо мужедше да ончыкылыкым ужын моштышо еҥым соцкылыште верештын.
Самырык ӱдырамаш пелашым муаш да пӧръеҥым шкеж дек савыраш шонен. Садлан тудо кок тылзе наре «Ева Ивановалан» соцкылыште возкален, мессенджер полшымо дене йыҥгыртен кутырен. Полышым пуымыжлан мужедшылан икмыняр гана оксам колтен, тидлан кредитымат оформитлен – чылаже 250 тӱжем наре теҥгем тӱлен. Икмыняр жап гыч мужедше вашештымым чарнен, тыге ӱдырамаш ондалалтмыж нерген умылен.
Тиде факт шотышто уголовный пашам тарватыме.
Интернет гыч налме фото.