Звенигово район Чакмарий тӱвыра пӧрт 50 ияш лӱмгечыжым 10 февральыште чеслын пайремлыш.
Ты кечын тӱвыра пӧртыштӧ ончаш толшо калыкат, участник-шамычат ятырын лийыныт. Сценыште районысо эн сай коллектив-влак шке мастарлыкыштым ончыктеныт. Тидын нерген Чакмарий тӱвыра пӧртым вуйлатыше Т.И.Васильева тыгерак каласкалыш:
– Пайрем пеш оҥайын да сайын эртаралте. Ташнур гыч калык лӱмым нумалше «Алан», Какшамарий гыч «У шӱлыш», Ӱлыл Памъял гыч «Памъял вате-влак» ансамбль-шамыч ойыртемалтше номерышт дене выступатленыт. Сидельниково гыч Анатолий Мартынов ден Нуктуж гыч Иван Семёнов муралтеныт. А Шолэҥер гыч гармоньчо Василий Фёдоров весела такмак-влакым шергылтарен. Тылеч посна Звенигово ола гыч Светлана Гаврилова, Калык кидмастар пӧртын пашаеҥже-влак Ирина Чугунова ден Алевтина Тихонова муро пӧлек дене вашкеныт. Сценыш Чакмарий кыдалаш школын тунемшыже ден тысе йочасадын воспитанникше-влакат лектыныт.
УМБАКЫЖЕ — «КУГАРНЯ» газетыште.