Марий Элыште Российысе «Педагогический дебют» конкурсын заочный ужашыштыже финалыш лекше-влакым ойыреныт.
«Педагог – наставник» номинацийыште Советский район гыч Григорий Глушков ойыртемалтын. Тудо Алексеевский кыдалаш школышто директорын воспитательный паша шотышто алмаштышыже.
«Самырык туныктышо» номинацийыште — Екатерина Матвеева. Туныктышо Йошкар-Оласе А.С.Пушкин лӱмеш 4-ше №-ан гимназийыште руш йылмым да литературым туныкта.
«Дошкольный туныктымо организацийын самырык воспитательже-влак» номинацийыште Козьмодемьянскысе 2-шо №-ан «Шӧртьнӧ кол» йочасадыште воспитательлан тыршыше Альбина Киселева сеҥен.
«Самырык педагог-психолог-влак» номинацийыште Советский районысо Алексеевский кыдалаш школын педагог-психологшо Ольга Ямолова эн сай лийын.
Заочный этапыште сеҥышыш лекше-влак «Педагогический дебют» конкурсын финалыштыже Марий Элын чапшым аралат.