Конкурс
13 сентябрьыште МОСИ-ште профессионал мастарлыкым тергыше «Педагог-психолог России-2022» конкурсын призёржо ден сеҥышыже-влакым саламленыт.
Конкурсын Марий Элысе этапыштыже сеҥышыш Семёновкысо В.С.Архипов лӱмеш кыдалаш школын педагог-психологшо Елена Городилова лектын. Кокымшо степенян диплом дене Йошкар-Оласе 79-ше №-ан йочасад гыч Ирина Москвинам палемденыт, кумшо дене – 22-шо №-ан йочасад гыч Екатерина Марусинам. Чылаштлан дипломым да МОСИ деч шарнымашан пӧлекым кучыктеныт.
Снимкыште: Е.М.Городилова ден жюри председатель, МОСИ-н ректоржо И.А.Загайнов.
Фотом МОСИ-н архивше гыч налме.